今日要比賽啦！心情好興奮。
到咗會場，第一時間就搵師兄弟。之後，我地就分工，邊個負責A場，邊個負責B場...
到我師姐打啦！死，師姐打漏咗好多招，時間唔夠。好彩，師姐都打得幾順，個樣都唔似打錯咗。師姐仲攞到一等獎Tim！
就離到我打刀啦！見到我前面嗰個打到出晒聲，都好驚我唔夠佢刀。入場、比禮、開樁、出力、大聲、收勢、比禮、出場！終於過關啦！問番師父師母，佢地話我比平時打得好！希望可以攞獎啦……
「女子兒童短器械嘅季軍係……蘇巧明！」我嘅心情開心到無得形容！呢次比賽係我兒童組嘅最後一次，竟然都有優異成績。
而我阿妹因為唔夠力，只攞到一等獎，不過唔緊要，佢仲有大把時間追。
我隨咗要比賽，仲要管埋啲師弟妹幾時出去預備，所以我要走離走去，雖然辛苦，但都幫咗師父師母好多忙。
到我個師弟打刀啦，我見佢好俾心機，我希望佢有優異成績。但係，奇蹟唔係成日發生家。
又到我打啦！不過今次係打拳，我又再次希望奇蹟發生，因為我前面個參賽者打得都唔差，所以我怕會拉低自己既分。好彩我都攞咗個優異。
時間過得特別快，係時候要團體賽。我哋「武之傑」分咗3隊，分別係A隊、B隊同埋C隊，我哋都好比心機去預備。
B隊入場啦！見佢哋打得比上次齊，都為佢哋開心！
就到我哋嗰隊啦！要集中精神套拳先打得好，於是我就集中精神唸套拳應該點打…「A隊，請進場！」進場時，心情處於興奮態，希望有冠亞季軍攞。
離場！
跟著我哋就幫我哋嘅小師弟打氣，係佢哋呢個年紀，佢哋都打得幾X家！
終於到頒獎禮啦，我希望我哋可以比上次有進步。但係，我哋只攞第五，退咗2級，唉……………………………………………………………………………
好彩，我都無「臨尾香」。
沒有留言:
發佈留言